

	الثلاثاء 14/04/1447 هـ الموافق 07/10/2025 م الساعة 05:54 توقيت الصلاة العشاء 18:46

مقالات

A A A A A

مداولة

أكل عسى ما فيه العافية

المحامي نواف سليمان الفزيع

2014/01/26

10:01 م

شكرا لتصويت

التقيم

التقيم الحالي 0/5

أمامي مع لحظة كتاب المقال دراسة وزير المالية ومحافظ البنك المركزي السابق الشيخ سالم الصباح عن الانفاق الحكومي والمنشورة بالوطن مع رد الهيئة العامة للاستثمار على النائب رياض العدساني مع قانون الـ 30 ألفاً دعم للقرض الاسكاني واشجمع الشامي على المغربي أنا اقول لكم ليش؟
دراسة الوزير السابق خارطة طريق واضحة لاسباب ومخاطر الانفاق الحكومي المتزايدة وان كنا تمنينا منه خارطة طريق لعبث القروض يوم كان محافظاً على البنك المركزي ورد الهيئة العامة للاستثمار على النائب الفاضل يذكرنا برد ام العيال لما تعطيها فلوس للجمعية وتسألها وين راحت الفلوس بتقول لك صرفتهم على اغراض الجمعية شنو الاغراض ما تدري محتاجينهم هم ما تدري كم اسعارهم ما تدري اما قانون الـ 30 الف دعم فينطبق عليه المثل اللي يقول اكل عسى ما فيه العافية!!
وعلى هذا كله الثلاثة مواضيع فيها مشترك هي الحكومة فنحن في بلد القرار لا تقرأ فيه تبعاته ولاتدري الحكومة اي رسالة سلبية توصل للشعب من خلال هذه اللخبطة بالقرارات.
تبون تعرفون الإنفاق الحكومي بأكبر مصباته؟ خذوا الآتي يوم قررت الحكومة منح 250 ألفاً لكل قيادي بالداخلية حتى يتقاعد و80 ألفاً مع معاش 500 شهر لضباط الحرس والجيش مع ان كل هؤلاء تملك ان تحيلهم للتقاعد وقرارت الاحالة لا يطعن عليها امام القضاء هالالاف من القياديين هم من رفعوا اسعار العقار فاذا الواحد منهم ماخذ 250 ألفاً اغلب الظن انه راح يشتري عقاراً ليسكن فيه او يضارب عليه اويؤجره دخول هذه الشريحة الضخمة على سوق العقار الم يسهم في رفع العقارات والاجارات؟ولما جيتوا على الجندي الفقير المسكين واللي ما يبي 250 ألفاً بس زيادة حاله من حال الضباط قلتوا لا هذا هدر والـ 250 ألفاً موهدر؟!
القطاع النفطي تعطونه مكافأة مشاركة بالنجاح على شنو؟ موهذي وظيفته ولازم يداوم؟ واليوم بعد فضيحة الداو وشل وتهريب الديزل عن اي نجاح تتكلمون؟عن نفط موجود بالارض بسبب الازمات الدولية صار من حظنا ارتفاع سعره وكل ماعليكم ان تكلفوا الوافدين والموجودين فعليا في الحقل من استخراجه بينما من يأخذوا مكافأة النجاح تحت المكيفات يندثروا؟ في كل حوادث المنشآت النفطية ما تلاحظون كل الاصابات من الوافدين ليش؟ لأنهم هم اللي بالميدان وعلى هذا معاش مشغل نفط شهادته ثانوية يعادل معاش دكتور بالجامعة موعن حسد الله يبارك برزق الجميع لكن الله ما يرضى بالظلم.
الهيئة العامة للاستثمار تتكلم عن ارباح ونجاحات لنائب كان موظفاً فيها ويعرف خماجيرها عدل باجابة مبهمة كاجابة ام العيال كما سبق ان وضحنا وين هذه الارباح وارقامها وتقارير مكاتب التدقيق والسؤال الاهم دام عندكم كل هذه الارباح وينكم عن استثمارها بالكويت وتوفير فرص وظيفية المحافظ في مقالته يحذر من ان البطالة ستصل الى %23 في 2030 وين دور الهيئة في توفير مشاريع توظف الكويتيين هل الهيئة فلوسها للكويتيين ام للمسؤولين فيها؟ اذا انتم قاعد تقولون صعب توظف الحكومة بعد في السنوات القادمة وتقولون بعد ان الاستثمار بالكويت لايتجاوز الـ %16 أي أقل من دولة جنوب الصحراء وأنتم عندكم واحدة من اكبر هيئات الاستثمار بالعالم ليش ما تستثمر بالكويت وبعدين تعالوا طالبوا المستثمر الاجنبي وبعدين تعالوا على المواطن المسكين ذليتونا على 30 الفاً والحين صارت دعماً انزين واللي يبي يشتري مستعمل أو من أمغرة من وين يجيب لكم فواتير؟والنكتة في نص القانون (بما لايزيد عن 30 الفاً) يعني موشرط اعطيك 30 ألفاً أقدر أعطيك فقط 10 او 20 الفاً على أي أساس على يا مشرعينا الأفاضل ولا مسرع ما تدورن حل يرضي التجار والحكومة وكأن لسان حالكم يقول للمواطن المسكين اكل عسى ما فيه العافية؟

المحامي نواف سليمان الفزيع

أخبار ذات صلة dot4line

التعليقات الأخيرة

All Comments

أكثر المواضيع مشاهدة

مقالات ذات صلة بالكاتب

Tweets by WatanNews !function(d, s, id) { var js, fjs = d.getElementsByTagName(s)[0], p = /^http:/.test(d.location) ? 'http' : 'https'; if (!d.getElementById(id)) { js = d.createElement(s); js.id = id; js.src = p + "://platform.twitter.com/widgets.js"; fjs.parentNode.insertBefore(js, fjs); } } (document, "script", "twitter-wjs");

2805.9896


موقع الوطن الإلكترونية – حقوق الطبع والنشر محفوظة