Taw9eel Orange Friday
فنون  
نسخ الرابط
 
  
  
 
  A A A A A
X
dot4line

«ألوان شعبيّة».. في وداع عامٍ.. نطوي مع الأيام عامٍ ورا عام

2020/01/01   11:59 م

شكرا لتصويت

التقيم التقيم الحالي 5/0
ألوان شعبيّة
  ألوان شعبيّة



الشاعر خالد الدلوم وهذه القصيدة التي يودع بها العام ويستقبل العام الجديد، قصيدة بأبياتها الرائعة ترددت وحفظت وانتشرت لما حملته من معان حقيقية وعطاء واف بصدق المشاعر، من شاعرها الدلوم ويقول: نطوي مع الأيام عامٍ ورا عام وأيام راحت بالعمر مثل الأحلام وهذه هي الحقيقة فالأيام تمر سريعة وما تبقى إلا ذكرياتها الطيبة العالقة في النفوس وكل عام وأنتم بخير

نطوي مع الأيام عامٍ ورا.. عام
وتمر ساعات الفرح في دقايق
أيام راحت بالعمر مثل الأحلام
يوم بها زعلان وأيام رايق
درست من دنياي وأتعبت الأقدام
وبدّلت عن بعض الطرايق طرايق
وكفخت بأفكاري كما الطير لاحام
وماعاقني عن ماكر العز عايق
ياصاحبي خذني معك سيف وحزام
ويّاك في وقت الرخا والظوايق
أخوك بالفزعات ضاري وعزام
يشوقني للطيب والخير شايق
وترى البشر ياخوك منقسمه أقسام
بين الردى والطيب شفت الحقايق
لقيت من صلّى وزكّى.. ومن صام
ولقيت منهو لأقرب الناس بايق
ولقيت من قلبه حقود ونمام
ولقيت من قلبه يعز الرفايق
ولقيت من يبني الأمل فوق الأوهام
واللي يموت ولايعرف العوايق
ولقيت من يملك بساتين وأنعام
واللي من الحاجه ينام امتضايق
الله خلق هالخلق ساده وخدام
ذي دبرة الرحمن رب الخلايق
وآخرك يابن آدم ترى قطعة الخام
أمر أكيد.. ومايبيله وثايق
يالله عسى ماكون قطّاع الأرحام
وعساي من عقب القبر.. في حدايق
جاك الكلام وخذ معه بصمة ابهام
إن العمر كلّه مجرد دقايق

خالد مرزوق الدلّوم


التعليقات الأخيرة
dot4line
 
Taw9eel Orange Friday

93.7517
 
 
 
إعلن معنا
موقع الوطن الإلكترونية – حقوق الطبع والنشر محفوظة
 
Top