أخبار مصر  
نسخ الرابط
 
  
  
 
  A A A A A
X
dot4line

بالفيديو - حسني مبارك في «تسجيل صوتي»: لا أتابع الإعلام.. ولا أعرف من قتل المتظاهرين

2017/03/04   11:22 م

شكرا لتصويت

التقيم التقيم الحالي 0/5




نشرت جريدة "صوت الأمة" المصرية تصريحات خاصة، من الرئيس المصري الأسبق محمد حسني مبارك، في اتصال هاتفي، بعد حصوله على حكم البراءة في قضية قتل المتظاهرين. 

وتحدث مبارك عن حالته الصحية، وتفاصيل القضايا التي تنتظره بعد البراءة، وعن المكان الذي سيقيم به بعد إنهاء إجراءات الإفراج، وموقفه من الإقامة في شرم الشيخ، وعن إمكانية رجوع علاء وجمال إلى ساحة الإعلام مرة أخرى. 

وجاء نص المكالمة كالتالي:

- عاوزة أقول للناس أنت هتروح أمته من المستشفى؟

مش عارف هروح أمته

- طيب حضرتك كدة أكيد مش رايح شرم الشيح؟

متتعبيش نفسك معايا 

- هو لسة فاضل قضايا الكسب غير المشروع؟

خليهم مع الكسب غير المشروع خليهم ييجوا ياخدوا اللي حيلتي.

- الله يكون في عونه 

آاااااه والله الله يكون في عونه ادعيله 

- طيب نطمن الناس على صحتك

ومين اللي قال إني عندي حاجة أنا كويس

- طيب بعد البراءة مين اللي قتل المتظاهرين

مش عارف روحوا اسألوهم إنتي بتسأليني أنا أنا معرفش حقيقي مين اللي قتل المتظاهرين

- أنت مش زعلان أن محطة مترو مبارك اتغيرت باسم محطة مترو الشهداء

ياستي متجرينيش أنا أنصح منك يكتبوا الشهداء يكتبوا أي حاجة أنا ميهمنيش

- تم الاستعانة بأحد الوزراء في عهدك الدكتور علي مصيلحي.. فما تعليقك؟

انتي ناصحة قوي.. مين علي مصيلحي دا أنا معرفوش 

- دا وزير التموين يافندم

هو فيه تموين؟.. هو فيه وزارة تموين دلوقتي؟

- آه في وزارة تموين يافندم

أنا معرفش والله أنا مبتابعش جرائد

- أيه دا حضرتك مش بتابع جرائد ولا وسائل إعلام خالص؟
أنا مبقراش جرائد خالص .. أنا بقرأ مجلات فرنساوي وروسي وإنجليزي

- بس أنا عارفة أنه حضرتك متابع جيد للصحافة والإعلام يوميا

ولا متابع ولا حاجة أنا مريح مخي منكم

- آه إحنا مزعجين

فعلا أنتوا مزعجين

أخبار ذات صلة dot4line
التعليقات الأخيرة
dot4line
 

79.0017
 
 
 
إعلن معنا
موقع الوطن الإلكترونية – حقوق الطبع والنشر محفوظة
 
Top